• Á döfinni: Ætlunin er að birta þarna ýmsar landupplýsingar sem hafa tímabundið gildi, eins og staðsetningu áramótabrenna, sem nú er þarna inni, mörk kjörsvæða hverju sinni og staðsetningu kjörstaða eða leiðir í Reykjavíkurmaraþoni svo dæmi séu tekin.

• Borgarskipting: Í þessum flokki verða sýndar ýmsar skiptingar borgarinnar, en þær eru fjölmargar. Nú eru þarna inni Hverfaskipting, sem er hin nýsamþykkta skipting borgarinnar í 10 borgarhverfi, Hverfahlutar, en það er skipting eftir endingum götunnafna, eins og t.d. Skjól, Melar, eða eftir örnefnum eins og t.d. Árbær, Selás. Því næst koma Grunnskólahverfi, sem eru "umdæmi" grunnskólanna og loks er skipting í póstnúmerasvæði. Undir tveimur framangreindra skiptinga, Hverfaskipting og Grunnskólahverfi er hægt að fá fólksfjölda og aldursdreifingu íbúa á hverjum tíma. Af öðrum skiptingum sem kunna að verða settar inn má nefna þjónustusvæði Gatnamálastofu, mörk kirkjusókna, afmörkun deiliskipulagssvæða og skipulagsreiti Svæðisskipulags, en síðast nefnda skiptingin er þegar komin inn undir flokknum "Svæðisskipulag".

• Götur og stígar: Eins og nafnið gefur til kynna er í þessum flokki ýmislegt sem varðar götur borgarinnar og stígakerfi. Þarna eru upplýsingar tengdar miðlínum gatna á völdum götuköflum, hvaða götur eru upphitaðar, um bæði malbikaða stíga og einnig hvar eru lagðar gönguslóðir utan byggðar, málaðar línur á malbiki og loks alls kyns málaðar merkingar á malbiki, s.s. örvar og stöðvunarstrik.

• Hús og lóðir: Í þessum flokki er ýmislegt sem varðar hús eða lóðir sérstaklega. Í undinflokknum Hús fæst landnúmer valinnar lóðar og matshlutanúmer bygginga á henni, byggingarár o.fl. Með þemað Hús valið fást öll húsnúmer, með þemað Íbúar valið fæst íbúafjöldi hvers húss, með þemað Lóðir valið fæst landnúmer og staðgreinir hverrar lóðar, með Mæliblöð valið (einnig nefnd lóðablöð) fást skönnuð mæliblöð þar sem þau eru til, og loks með þemað Lausar lóðir valið fæst vitneskja um lausar lóðir til úthlutunar.

• Lagnir: Þarna eru birtar upplýsingar um lagnir, borholur o.fl. sem borgin eða Orkuveitan ber ábyrgð á auk lagna Landssímans. Hægt er að teikna lagnir á kortið auk þess að benda á einstaka lagnir og fá nánari upplýsingar um þær í sérstakan upplýsingaglugga. Athugið að ekki er leyfilegt að ráðast í framkvæmdir eingöngu á grundvelli upplýsinga úr Borgarvefsjá heldur skal haft samband við hlutaðeigandi stofnanir/fyrirtæki, sjá hnappinn: "Um notkun korta úr Borgarvefsjá" á textaforsíðu Borgarvefsjár.

• Minjavernd: Þarna er að finna ýmsar upplýsingar um friðun bygginga og gatna og um gömul hús. Fornleifar í Laugarnesi eru þarna einnig og ýmis fróðleikur um þær, en smám saman munu bætast við fornleifar víðar í borgarlandinu. Pdf-skjöl veita nánari upplýsingar bæði um fornleifar og friðun.

• Myndefni: Í þessum flokki eru myndkort (orthomyndir) en þau eru hnitsettar myndir unnar eftir loftmyndum, teknum annars vegar af þéttbýli úr 850 til 950 m hæð ("Lágflugsmyndir), og hins vegar af mestum hluta höfuðborgarsvæðisins úr 9200 m hæð ("Háflugsmyndir"). Umhverfis- og tæknisvið Reykjavíkurborgar (Borgarverkfræðingur) á bæði myndkortin og loftmyndirnar og þar með útgáfu- og dreifingarrétt þeirra. Athugið að hús og lagnir sjást ofan á myndkortinu en allt annað hverfur undir það. Stefnt er að því að elsti hluti lágflugsmynda sé endurnýjaður árlega og nú eru elstu myndirnar (Árbær-Breiðholt og nágr.) frá árinu 2000. Hæðargrundvöllur húsa og myndkorta er yfirborð jarðar. Þar eð þök húsa standa þó nokkuð ofan jarðaryfirborðs hliðrast þau örlítið til í uppréttum loftmyndum, en af þeim sökum falla þakfletir á mynd ekki alltaf saman við útlínur húsa eins og þær koma úr húsasafni LUKR. Hlutir við jarðaryfirborð, s.s. götukantar eiga aftur á móti að falla ofan í myndirnar. Hringmyndir: Nú eru þarna inni s.k "hringmyndir" (panorama) eða 360 gráðu myndir sem teknar voru árið 2000 af Landmati ehf fyrir Reykjavíkurborg. Þegar þær eru valdar birtast þær sem punktar á kortinu sem sýna staðsetningu staða þar sem eknar hafa verið. Svo þarf að þysja inn og smella á mynd til að hún birtist.

• Náttúrufar: Þarna eru núna sýndar hæðarlínur með 1 m hæðarbili í þéttbýli, ennfremur s.k. Grunnmynd, en hún hefur að geyma ýmsar viðbótarupplýsingar sem ekki fást annarsstaðar, s.s. um girðingar, skurði og aðstæður inni á lóðum, loks eru vatnsverndarsvæðin sýnd. Væntanlegar eru m.a. upplýsingar um úrkomu, jarðfræðikort og mat á jarðskjálftastyrkleika eftir svæðum.

• Nýframkv./viðhald: Í þessum flokki birtast áætlaðar framkvæmdir borgarinnar og veitufyrirtækja á yfirstandandi ári á hverjum tíma. Athafnasvæði hverrar framkvæmdar teiknast þær á kortið og auk þess er hægt að benda á einstaka lagnir og fá nánari upplýsingar um þær í sérstakan upplýsingaglugga. Þessar upplýsingar eru uppfærðar fyrstu mánuði hvers árs.

• Saga og þróun: Sýnd er þróun lögsögu borgarinnar frá stofnun kaupstaðar í Reykjavík 1786, lögbýli 1703 í núverandi borgarlandi, þó ekki á Kjalarnesi (byggt að mestu á bókinni Reykjavík, Sögustaður við Sund, Bókaútgáfan Örn og Örlygur hf 1989), þá er kort herforingjaráðsins danska af Reykjavík skv. mælingu 1902, birt 1903. Kortið er bæði í ógegnsærri og gegnsærri útgáfu. Sú síðari er er undir heitinu "Samanburður við 1902" og gefur kost á að bera gömlu byggðina saman við núverandi byggð. Þá kemur Strönd 1900, 2024, sem sýnir ströndina á annars vegar fyrrnefndu korti frá 1902 og væntanlega strönd 2024 skv. núgildandi Aðalskipulagi.

• Svæðisskipulag: Höfuðborgarsvæðinu er skipt í 229 byggðareiti og er upplýsingar um hvern reit að finna í þessum flokki. Undirflokkar eru þessir: Fjöldi fyrirtækja, Gólfflötur fyrirtækja, Húsaupplýsingar og Aldursdreifing íbúa. Í fyrsta flokknum er gefinn fjöldi fyrirtækja á hverju hinna 11 starfsemissviða, sem skipulagið fjallar um og í öðrum flokknum heildargólfflötur flokkaður á sama hátt. Í húsaupplýsingunum er gefinn heildargólfflötur og rúmmál húsa í hverjum byggðareit, fasteigna-, brunabóta- og lóðamat, fjöldi íbúða og gólfflötur íbúða. Í síðasta flokknum eru heildaríbúatala og íbúatölur fyrir hvern aldursflokk, skv. tiltekinni aldursskiptingu.

• Umferð og aðgengi: Í þessum flokki er ýmislegt sem varðar umferðar- og aðgengismál. Undir Sniðtalningar eru sýndar niðurstöður umferðartalninga sem framkvæmdar eru árlega í aðliggjandi götum nokkurra þversniða gegnum borgina Undir Hámarkshraði er sýndur leyfður hámarkshraði allra gatna borgarinnar. Í næsta þema, Einstefnugötur, eru sýndar þær götur þar sem akstur er aðeins leyfður í eina átt. Þemað Hraðahindranir dregur fram í rauðum lit hraðahindranir í borginni.

• Þjónusta: Undir þessum flokki er hægt að fá upplýsingar um ýmsa þjónustu sem borgin veitir. Þær byggingar sem hýsa viðkomandi þjónustu fá sérstakan lit og hægt er að fá frekari upplýsingar um þær í sérstakan upplýsingaglugga. Í mörgum tilfellum er hægt að komast þaðan inn á vefsíður viðkomandi stofnana, t.d. skóla.

üYfirlitsmynd
Með því að smella á þennan hnapp er farið í byrjunarstöðu þar sem birtist kort af allri borginni.


qEndurteikna
Með því að smella á þennan hnapp er kortið endurteiknað.  Þetta er nauðsynlegt í hvert sinn sem bætt er við nýju atriði, t.d. kveikt á lögnum, hæðarlínum, framkvæmdum o.s.frv.  eða til að taka í burtu atriði eins og lengdarmælingu.

- Þysja út
Til að þysja út úr myndinni (“zoom out”) smellirðu á þennan hnapp og dregur músina til með hnappinn niðri þangað til kominn er kassi.  Því smærri sem kassinn er því stærra svæði færðu yfirlit af, þegar þú sleppir músarhnappnum. Hægt er að smella einu sinni á kortið með þennan hnapp valinn og þá birtist kort sem þekur tvöfalt stærra svæði á alla kanta en fyrri mynd.

+Þysja inn
Til að þysja inn í myndina (“zoom in”) smellirðu á þennan hnapp og dregur músina til með hnappinn niðri þangað til kominn er kassi af óskaðri stærð og sleppir þá músarhnappnum. Hægt er að smella einu sinni á kortið með þennan hnapp valinn og þá birtist kort sem þekur tvöfalt minna svæði á alla kanta en fyrri mynd.


Hliðra
Þessi hnappur (höndin) er til að færa kortið til. Þú smellir á hnappinn og smellir síðan með vinstri músarhnappnum einhverstaðar á myndina og dregur myndina til svo önnur svæði sjáist. Mælikvarðinn helst óbreyttur.

i Upplýsingar
Þegar búið er að tvísmella á þema í lista (þema undirstrikað) er þessi hnappur valinn og síðan smellt á fitju á viðkomandi þema á kortinu.  Þá kemur upp gluggi sem inniheldur upplýsingar um valið þema. Til að loka glugga er hægt að smella á x í hægra horninu uppi eða smella á endurteiknunartáknið. Fyrir þemu sem eru í flokknum upplýsingar á yfirleitt að benda á hús til þess að fá nánari upplýsingar um viðkomandi hús eða lóðina sem það stendur á, gatnaþemað byggir þó á því að bent sé á miðlínu götunnar.

Ef hringmyndir hafa verið valdar birtast punktar á kortinu og með því að benda á punkt birtist í upplýsingaglugganum ljósmynd af viðkomandi svæði, sem hægt er hreyfa í hringi. Þessar myndir eru spilaðar með “Quick Time” hugbúnaðinum, sem þarf að vera inni á vélinni og ef hann er ekki til staðar er notanda beint inn á vefslóð þar sem nálgast má hugbúnaðinn eða smella hér (www.apple.com/quicktime/download) og fylgja leiðbeiningunum.

Ef lóðablöð hafa verið valin þarf að benda á lóð á kortinu og þá birtist skannað mæliblað af viðkomandi lóð og nágrenni hennar í nýjum vafraglugga.

m Lengdarmæling
Mæla vegalend á korti.  Eftir að hafa valið táknið skal smella á kortið þar sem byrja á að mæla, og smella svo aftur á kortið til að velja brotpunkta á þeim ferli sem á að mæla. Línan sem búið er að teikna hverfur þegar annar hnappur er valinn.


m²Flatarmálsmæling
Mæla flatarmál á svæði sem afmarkað er á kortinu.  Eftir að hafa valið táknið skal smella á kortið þar sem mæla á svæði.  Með því að smella með músinni eru settir inn punktar sem afmarka svæðið sem á að mæla. Flatarmál svæðisins birtist í litlum kassa sem fylgir bendlinum þegar minnst þrír punktar hafa verið settir inn. Boxið sem búið er að teikna hverfur þegar annar hnappur er valinn. Athugið að teikna ekki afmörkunarlínur sem fara í kross.  

c Leita
Leitun eftir götuheiti og húsnúmeri.  Heiti götu og húsnúmer eru slegin inn í nefnifalli og síðan er smellt  á leitarhnappinn.  Þá er viðkomandi heimilisfang sýnt með rauðri stjörnu á kortinu. Ef notandi hefur  þysjað svo mikið inn að heimilisfangið sést ekki er kortið fært í óbreyttum mælikvarða að völdu heimilisfangi.

Uppsetning á Shockwave og Quick Time

Til að skoða Borgarvefsjána þarf Shockwave Player að vera settur upp á viðkomandi vél.  Shockwave er gagnvirkur margmiðlunar búnaður sem gerir manni kleift að skoða hreyfimyndir og aðra gagnvirkar myndir á heimasíðum. 

Eftir að smellt hefur verið á "Download" hnappin og Shockwave er ekki á viðkomandi vél kemur upp gluggi sem gefur til kynna að verið sé að setja þetta forrit á vélina.

Þetta tekur um það bil 10 – 15 mínútur fer eftir því hvað tengingin er hraðvirk.  Hægt er að vinna á vélinni á meðan, einnig skoða aðrar heimasíður.

Þegar uppsetningu er lokið kemur gluggi sem biður um að velja tungumál.

Velja skal efsta tungumálið U.S.English og smella með vinstri músarhnappi á OK.
Þá er uppsetningu lokið og mun Borgarvefsjáin byrtast í vefglugganum.

Til að skoða hringmyndir þarf  “QuickTime” .  Ef þetta forrit er ekki til staðar á vélinni er vísað í heimasíðu þar sem hægt er að nálgast þetta forrit, þegar smellt er með upplýsingahnappnum á hringmyndastjörnu. Þá kemur þessi mynd



Smellið með vinstri músarhnappi á slóðina sem vísar á heimasíðuna.



Smellið með vinstri músarhnappi á “Download QuickTime”

Þá koma eftirfarandi gluggar.

Til að “QuickTime” virki þarf að endurræsa vafrann.

Í næsta skipti þegar hringmyndir eru skoðaðar birtast 360 gráðu myndir í upplýsingaglugganum sem opnast ofan á kortinu.